Derbi me Partizanin

Futboll

Derbi me Partizanin

Më: 19 tetor 2021 Në ora: 11:28
Derbi me Partizanin

Klubi Tirana ka bërë një kërkesë zyrtare në FSHF për hapjen e stadiumit “Air Albania” në 100 për qind të kapacitetit të tij. Skuadra bardheblu, duke marrë shkas nga ndeshja e Shqipërisë me Poloninë dhe uljen e rasteve të COVID-it, i ka kërkuar FSHF-së që të negociojë hapjen e stadiumit.

Në fakt, kërkesa është legjitime, sepse FSHF është organizatorja e garës dhe duhet të marrë leje tek instancat më të larta të shtetit.

Nga ana tjetër, është e kotë që të ketë kritika dhe ndalesa kur jepet leje për një stadium të mbushur plot vetëm dy javë më parë. Është e drejtë legjitime e klubeve që të luajnë ndeshjen më të madhe të Superiores me tifozë dhe të marrin disa të ardhura më shumë.

Është e kotë dhe e pakuptimtë që COVID-i të përdoret si shkak që stadiumi të mbyllë dyert dhe skuadrat të jenë me 30 për qind të kapacitetit. Nëse ndodh një gjë e tillë, atëherë Tiranës, Partizanit dhe çdo skuadre i bëhet një padrejtësi e madhe, duke i diskriminuar, sepse nuk kanë fuqi politike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat