Ylli Ansu Fati ka treguar që ka refuzuar disa oferta larg Spanjës vetëm që t’ia besojë të ardhmen Barcelonës, ku edhe ka nënshkruar një kontratë të re me gjigandin katalunas.
Fati ka rinovuar kontratën e tij me Barçën, kontratë kjo e cila do ta mbajë atë në “Camp Nou” deri në vitin 2027, ku edhe është përfshirë klauzola e tij e lirimit prej një miliardë eurosh.
“Unë jam i lumtur që klubi ka besim në mua. Kam pasur disa oferta nga disa klube, por ëndrra ime ka qenë gjithmonë që të rritem dhe të fitojë me Barcelonën”, tha Fati.
Raportohet se klubet të cilat ishin të interesuara seriozisht në Fatin, dhe që kishin bërë oferta drejt Barcelonës për shërbimet e tij ishin Liverpooli, Manchester United dhe Paris Saint-Germain.
