Shqipëria e femrave mbyll përgatitjet për Andorrën

Futboll

Shqipëria e femrave mbyll përgatitjet për Andorrën

Më: 21 tetor 2021 Në ora: 23:19
Shqipëria e femrave mbyll përgatitjet për Andorrën

Shqipëria U-19 për femra ka mbyllur sot përgatitjet për ndeshjen e dytë kualifikuese ndaj Andorrës, me të cilën do të luajë ditën e nesërme.

Kjo sfidë, e vlefshme për eliminatoret e Kampionatit Europian 2022 do të zhvillohet në stadiumin Kombëtar të Andorrës, “Estadi Nacional”, duke nisur nga ora 12:00.

Ekipi shqiptar ka zhvilluar seancën zyrtare stërvitore përpara këtij takimi për më shumë se 55 minuta, me trajnerin Krepi që ka pasur mundësi të shohë skuadrën dhe gjendjen e vajzave dhe ku përqëndrimi kryesor i teknikut kuqezi ka qenë tek ana teknike si dhe ushtrimet taktike e goditjet standarde.

Atmosfera në kampin kuqezi duket pozitive dhe fokusi kryesor i vajzave nën 19 vjeçare është marrja e tre pikëve ndaj Andorrës, me të cilën është shortuar në grupin B3, së bashku me Uellsin dhe Moldavinë.

Kjo është ndeshja e dytë e Kombëtares U-19. Para dy ditësh, Ekipi shqiptar barazoi 0-0 me Moldavinë, ndërsa ndeshjen e tretë dhe të fundit në grup do ta zhvillojë ditën e hënë ndaj Uellsit, më 25 tetor.

Aktualisht, Shqipëria renditet e dyta në grupin B me 1 pikë, aq sa Moldavia, ndërsa Uellsi renditet i pari me tre pikë të plotë, pasi mundi Andorrën që është e fundit në klasifikim me 0 pikë,

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat