Revolucioni i ri

Futboll

Revolucioni i ri

Më: 27 tetor 2021 Në ora: 20:52
Revolucioni i ri

Bota e futbollit po drejtohet gjithnjë e më tepër drejt teknologjisë.

Duke nisur nga “goal line” e deri te sistemi VAR, teknologjia po thotë fjalën e saj për të forcuar drejtësinë në fushën e blertë. Një tjetër revolucion pritet të jetë pjesë e sportit më të përhapur në botë.

Sipas raportimeve të “ESPN”, në Kupën e Botës do të prezantohet një zbulues gjysmë-automatik i pozicioneve jashtë loje. Një sistem gjurmimi optik i prodhuar nga kompania suedeze “ChyronHego” do të mund të dallojë lojtarët në pozicion jashtë loje në çdo moment.

Në këtë mënyrë nuk do të jetë i nevojshëm përdorimi i sistemit VAR në rastet kur dyshohet për gola në pozicion jashtë loje. Gjë kjo që do të sjellë edhe uljen e vonesave për shkak të ndërprerjeve të lojës.

Arsen Venger vazhdon të prodhojë ide si kreu i derpartamentit të zhvillimit të FIFA, teksa ishte pikërisht francezi ai që propozoi një teknologji të tillë. Më parë ish-trajneri i Arsenalit hodhi edhe hipotezën e zhvillimit të Kupës së Botës çdo dy vjet së bashku me Kampionatin Europian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat