Duele interesante në Superligë, fokusi në Gjilan

Futboll

Duele interesante në Superligë, fokusi në Gjilan

Më: 7 nëntor 2021 Në ora: 09:00
Foto ilustrim

Sot zhvillohen edhe dy ndeshjet e mbetura të xhiros së 13-të të Superligës së Kosovës në futboll.

Në Klinë zhvillohet sfida mes dy ekipeve të fundit të tabelës.

Dukagjini e pret Feronikelin në ndeshjen që nis nga ora 13:00. Fitorja është e rëndësishme për të dy skuadrat, të cilat xhiro pas xhiro po mbesin me pikë mbrapa në luftën për mbijetesë.

Kurse, me fillim nga ora 13:30 do të zhvillohet derbi i kësaj xhiroje. Gjilani do të jetë nikoqir i kampiones në fuqi, Prishtinës.

“Plisat” nuk e kanë nisur mirë sezonin dhe pas 12 xhirove renditen në vendin e gjashtë me 16 pikë, tetë më pak se lideri aktual, Ballkani.

Në anën tjetër, Gjilani gjendet në vendin e tretë me 21 pikë, tri më pak se Ballkani.

Me fitore prej tre e më shumë golave, Gjilani i Ismet Munishit mund ta marrë primatin në Superligë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat