Milani drejt akordit me mbrojtësin 27-vjeçar

Futboll

Milani drejt akordit me mbrojtësin 27-vjeçar

Më: 13 janar 2022 Në ora: 11:58
Milani drejt akordit me mbrojtësin 27-vjeçar

Një nga synimet e Milanit në tregun e transferimeve është Erik Bejli. Siç raportohet nga “La Gazzetta dello Sport”, afrikani është i pari në hierarkitë e preferencave të drejtorëve Maldini dhe Masara.

Sipas së përditshmes italiane, Mançester Junajtidi do të ishte i hapur për huazimin, teksa paga e afrikanit është në përputhje me parametrat financiarë të klubit kuqezi.

Duhet të përcaktohen kushtet dhe kostot e së drejtës së shlyerjes, por marrëdhëniet mes dy klubeve janë të mira, siç dëshmohet nga huazimi i Diogo Dalosë sezonin e kaluar.

Mediat flasin për një huazim 6-mujor me të drejtë blerjeje, praktikisht i njëjti lloj operacioni që veshi Fikajo Tomorin kuqezi gjatë sezonit të kaluar.

Lajme të rëndësishme mund të vijnë në fundjavë, me Milanin që synon t’u rrëmbejë “Djajve të Kuq” dhe lojtarit “po”-në përfundimtare.

Prodhim i akademisë së Espanjolit, ai luan prej pesë vitesh te Mançester Junajtidi që e bleu për 30 milionë euro nga Vijareali.

113 prezenca me “Djajtë” dhe 1 gol për mbrojtësin që nuk ka gjetur hapësirë edhe pse konsiderohet si një talent në mbrojtje ku mund të luajë në qendër dhe në të djathtë.

187 centimetra gjatësi i japin përparësi në lojën e ajrit, megjithatë Bejli mund të jetë edhe një ndërtues manovre i mirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat