Chelsea dhe Bayern synojnë lojtarin e Barcelonës

Futboll

Chelsea dhe Bayern synojnë lojtarin e Barcelonës

Më: 16 janar 2022 Në ora: 18:15
Frenkie De Jong

Chelsea po tenton Frenkie De Jong. Mesfushori holandez është një nga dëshirat e trajnerit Thomas Tuchel dhe drejtuesit e kampionëve të Europës kanë ofruar 40 milionë euro për kartonin e tij.

Oferta është refuzuar, pasi Barcelona, që po kalon një moment të vështirë ekonomik dhe ka nevojë për para, kërkon të paktën 60 milionë euro për të lënë të lirë 24-vjeçarin.

Te Chelsea nuk dorëzohen dhe po përgatisin ofertën e radhës, por duhet të fitojnë edhe konkurrencën me Bayern Munchen, një tjetër klub i interesuar për De Jong sipas El Nacional.

Lojtari tulipan u transferua nga Ajax te Barcelona për shumën e 86 milionë eurove në verën e vitit 2019 dhe deri tani ka fituar një trofe në “Camp Nou”: Kupën e Mbretit në vitin 2021.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat