Në Afrikë jepet penalltia më qesharake në histori!

Futboll

Në Afrikë jepet penalltia më qesharake në histori!

Më: 17 prill 2022 Në ora: 11:26
Në Afrikë jepet penalltia më qesharake në histori!

VAR-i ka ulur numrin e gabimeve të arbitrave, por ka edhe raste kur teknologjia nuk shërben aspak, pasi gjyqtari e ka ndarë mendjen për të gabuar.

Një rast pothuajse i pabesueshëm është regjistruar në Champions League e Afrikës, saktësisht në sfidën Al Ahly (Egjipt) – Raja Casablanca (Marok).

Vendasit fituan 2-1 takimin e parë çerekfinal, sfidë që u zhbllokua nga penalltia më qesharake që është akorduar ndonjëherë!

Ishte minuta e 13-të kur arbitri 34-vjeçar nga Republika Demokratike e Kongos, Jean Ndala, dha penallti për vendasit për një prekje me dorë, të cilën vetëm ai e “pa”.

E bukura është se arbitri pa aksionin në VAR dhe u nis menjëherë drejt pikës së bardhë. Protestave të lojtarëve miq u shpëtoi duke deklaruar se kishte prekje më dorë…

El Solia u tregua i saktë dhe pjesa e parë përfundoi 2-1 për vendasit. Raja luajti me dhjetë lojtarë prej minutës së 60′, teksa Al Ahly humbi një penallti në fraksionin e dytë.

Polemika pafund janë krijuar në lidhje me gjykimin e kësaj ndeshje, teksa skuadra gjysmëfinaliste do të mësohet pas përballjes së kthimit, që do të zhvillohet në Marok më 23 prill.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat