Shkëlzen Gashi shënon, por ekipi i tij mposhtet dhe i ikën ngjitja në elitë zvicerane

Futboll

Shkëlzen Gashi shënon, por ekipi i tij mposhtet dhe i ikën ngjitja në elitë zvicerane

Më: 21 maj 2022 Në ora: 23:21
Shkëlzen Gashi shënon, por ekipi i tij mposhtet dhe i ikën ngjitja në elitë zvicerane

Një tragjedi sportive. Kështu mund të cilësohet ajo që ka përjetuar Shkëlzen Gashi dhe shokët e tij të skuadrës së Aarau në Zvicër.

Ekipi i cili kishte dominuar këtë vit kategorinë e dytë në Zvicër, në mënyrë të pabesueshme ka shkatërruar gjithçka me ndeshjen e fundit në shtëpi, duke u munduar e duke kaluar nga vendi i parë në të tretin për golavarazh e kështu duke mbetur jashtë zonës së ngjitjes.

Arau i nevojitej një pikë për të qenë i sigurt për vendin e parë dhe për ngjitjen matematikore në elitën e futbollit zviceran në sezonin e ardhshëm. Por në mënyrë të papritur, Vaduz shënoi dy herë në ndeshjen e fundit të sezonit, duke ngrirë tifozët e pranishëm që kishin shkuar për festë.

Trajneri i Aarau aktivizoi Gashin në minutat e fundit dhe ky kishte kohën që të shënonte nga pika e bardhë e penalltisë për të shkurtuar diferencën.

Por as ai dhe as shokët e skuadrës nuk gjetën golin e barazimit dhe ndeshja e festës u kthye në një makth. Vintertur dhe Shafhauzen fituan duke e arritur ne kuoten e 65 pikëve, duke bërë që kampionati të vendosej nga golavarazhi.

Winterttur kishte bilancin më të mirë e siguroi ngjitjen direkte, me Schafshausen që do të shkojë në play-off.

Ndërsa Aarau, në mënyrë të pabesueshme përfundoi në vendin e tretë dhe do të vazhdojë të qëndrojë në kategorinë e dytë zvicerane.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat