Duka: Jemi shumë të angazhuar, gjithçka do të shkojë mirë!

Futboll

Duka: Jemi shumë të angazhuar, gjithçka do të shkojë mirë!

Më: 24 maj 2022 Në ora: 15:04
Duka: Jemi shumë të angazhuar, gjithçka do të shkojë mirë!

Kur ka mbetur vetëm një ditë nga finalja historike e UEFA Conference League, të gjithë sytë janë kthyer nga Shqipëria. Së fundmi,

Presidenti i Federatës Shqiptare të Futbollit, Armand Duka ka dhënë një intervistë për televizionin italian “Rai 2”, ku ka folur për këtë event. Duka shprehet në fjalën e tij se të gjithë janë të angazhuar për ta organizuar sa më mirë këtë finale, ndërsa thekson se e rëndësishme për Shqipërinë është që të gjithë ata që do të vijnë në Tiranë të ndihen të lumtur.

“Nuk jemi të shqetësuar, ndonëse shumë kanë qenë pak skeptikë për Shqipërinë, nëse mund ta organizojmë, nuk kemi eksperiencë, nuk e dimë nëse policia shqiptare mund të organizojë mirë këtë lloj eventi dhe për këtë jemi edhe më shumë të angazhuar për të bërë gjithçka mirë. Jemi të gjithë angazhuar, qeveria shqiptare, bashkia e Tiranës, policia e shtetit.

Për ne është e rëndësishme që të gjithë të jenë të lumtur dhe të kthehen të lumtur në shtëpitë e tyre dhe të rikthehen në Shqipëri”.

Në fund, Presidenti Duka tregon edhe se cilin ekip mbështet në këtë finale.

“Kam bërë tifo që prej fillimit të kompeticionit për Romën, edhe pak për egoizëm, sepse mendova se me Romën finalja do të ishte pak më e bukur, por edhe për një arsye tjetër të rëndësishme se kemi lojtarin tonë te Roma, Marash Kumbullën, të cilin duam ta shohim në fushë” – përfundon presidenti Duka për Rai 2.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat