Reja: Roma do ndjehet në shtëpi në Tiranë

Futboll

Reja: Roma do ndjehet në shtëpi në Tiranë

Më: 25 maj 2022 Në ora: 11:14
Reja: Roma do ndjehet në shtëpi në Tiranë

Roma rikthehet në një finale europiane pas 31 vitesh, ndërsa Feyenoord pas 20 vitesh. Ndërsa sot në orën 21:00 këto dy skuadra do të përballen në “Air Albania” për finalen e parë të Conference League, finalja e parë europiane që luhet në Shqipëri.

Duke folur për këtë ndeshje, trajneri i kombëtares shqiptare të futbollit, italiani Edy Reja ka thënë për mediet italiane se është i lumtur që një skuadër italiane do luajë në Shqipëri.

“Është një kënaqësi për të gjithë shqiptarët dhe Federatën. Personalisht jam shumë i lumtur që do luajë një skuadër italiane. Për më tepër në Shqipëri ka shumë tifozë të Romës dhe do të jetë sikur luajmë në shtëpi. Shqiptarët janë më shumë me italianët se me holandezët.”-tha ai.

Më tej tekniku theksoi se Tirana është një qytet i bukur për t’u vizituar, ndërsa sipas tij “Air Albania” është një stadium i mrekullueshëm.

“Tirana është një qytet i bukur, padyshim europian, i këndshëm për t’u vizituar. “Air Albania” është një stadium i mrekullueshëm. Fatkeqësisht ka pak vende në krahasim me kërkesën edhe sepse imagjinoj se sa tifozë të Romës do të kishin dashur të ishin aty.”-deklaroi Reja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat