Deputeti shfaqet në Kuvendin e Kosovës me fanellë të Llapit

Futboll

Deputeti shfaqet në Kuvendin e Kosovës me fanellë të Llapit

Më: 26 maj 2022 Në ora: 15:17
Deputeti shfaqet në Kuvendin e Kosovës me fanellë të Llapit

Llapi dhe Drita do të përballen sonte në finale të Kupës së Kosovës, e cila do të luhet në Prishtinë.

Kjo ndeshje ka bërë jehonë të madhe, sidomos në Podujevë dhe në Gjilan.

Dhe, efekti i kësaj loje është parë edhe në Kuvendin e Kosovës sot.

Në fakt, deputeti i Lëvizjes Vetëvendosje, Fitim Haziri është rikthyer në seancën e sotme me një dukje të pazakontë.

Deputeti llapjan e kishte veshur fanellën e Llapit me numër 4, përmes së cilës e shfaqi mbështetjen për ekipin e tij të zemrës.

Llapi do ta kërkojë sonte mbrojtjen e trofeut të Kupës, në ndeshjen që do të luhet në stadiumin “Fadil Vokrri” në kryeqytet duke filluar nga ora 20:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat