Pogba dhe Juventusi janë më pranë ribashkimit se kurrë

Futboll

Pogba dhe Juventusi janë më pranë ribashkimit se kurrë

Më: 26 maj 2022 Në ora: 17:06
Pogba dhe Juventusi janë më pranë ribashkimit se kurrë

Pogba dhe Juventusi janë më pranë ribashkimit se kurrë.

Rikthimi i francezit në Torino, pas eksperiencës që pati te Mançester Junajtidi duket çështje ditësh, me bardhezinjtë që duke përfituar nga transferimi me parametër zero kanë përgatitur një ofertë të majme prej 8 milionë eurosh plus 2 të tjerash në formë bonusesh për 3 vitet e ardhshme.

Por gjithsesi, për sa kohë nuk janë zgjidhur detajet e fundit dhe mungojnë firmat mbi kontratë, torinezët nuk duan të gjenden të papërgatitur nga ndonjë surprizë e minutave të fundit dhe po monitorojnë edhe futbollistë të tjerë. Lukas Torrerira, mesfushori në pronësi të Arsenalit që këtë sezon ka qenë i huazuar te Fiorentina, po konsiderohet si një nga përforcimet e mundshme të mesfushës, duke marrë parasysh dhe koston e tij minimale.

“Topçinjtë” e vlerësojnë 15 milionë kartonin e tij, por ndërkohë që Fiore kërkon një ulje të çmimit, ka kohë vetëm deri më 31 maj për të ushtruar të drejtën e blerjes.

Nga ana tjetër Juventusi nuk do ta kishte problem shumën që kërkojnë anglezët, duke u përpjekur të bindin edhe uruguaianin me 2.7 milionë eurot që pretendon nga klubi violë. Gjithsesi, Pogba ngelet objektivi primar për mesfushën, edhe pse Torreira mund të shpresojë ende për një kalim në Torino.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat