Siç raportohet nga gazetari i njohur Fabrizio Romano, ylli i Interit, Ivan Perisic, ka pranuar që t’i bashkohet skuadrës angleze Tottenham Hotspur.
Po ashtu, raportohet se marrëveshja mes dy palëve është arritur për dy vite, ku edhe skuadra e Interit e ka pranuar komunikimin final të kroatit.
Testet mjekësore do të përfundohen javën e ardhshme në Londër, pasi që të nënshkruhen të gjitha kontratat mes klubit anglez dhe Perisicit.
Ishte trajneri italian Antonio Conte ai i cili e dëshironte me çdo kusht transferimin e Perisic, ku tani do të ribashkohet me të, pas aventurës ku e fituan së bashku titullin e kampionit në Serie A me Interin.
Në 254 paraqitje në të gjitha garat për Interin, Ivan Perisic ka arritur të regjistrojë 55 gola dhe 49 asistime mbi emrin e tij.
