Tirana ka zhvilluar ndeshjen e dytë miqësore në fazën përgatitore që po mbahet në Turqi.
Këtë herë bardheblutë kanë arritur që të fitojnë ndaj Shkupit me shifrat 2-0. Por kjo përballje ishte mes dy kampionëve, të Shqipërisë dhe Maqedonisë së Veriut.
Marrëdhënia e mirë mes këtyre dy klubeve shqiptare u pa edhe në fushën e blertë. Fillimisht lojtarët pozuan të gjithë së bashku, krahë për krahë me njëri-tjetrin, si të ishin një skuadër e vetme.
Kjo flet shumë dhe padyshim ishte një veprim për t’u përgëzuar.
