City rinovon me një tjetër sulmues

Futboll

City rinovon me një tjetër sulmues

Më: 26 qershor 2022 Në ora: 15:08
City rinovon me një tjetër sulmues

Man City drejt rinovimit të kontratës me Riyad Mahrez. Sulmuesi i kampionëve të Anglisë ka ende një vit të mbetur në kontratë dhe klubi anglez nuk dëshiron ta humbasë 31-vjeçarin me parametra zero në të ardhmen.

Dëshira e algjerianit është të vazhdojë karrierën e tij në Etihad Stadium me një marrëveshje afatgjatë për të ardhmen pavarësisht se mosha nuk premton shumë për sulmuesin.

Pep Guardiola e ka sulmuesin të rëndësishëm për skuadrën dhe një marrëveshje e re nuk pritet që të jetë problem. Mahrez përfiton një pagë prej 160.000 paund në javë dhe ai do të ishte i hapur për një rinovim edhe me një pagë më të ulët pasi ish-lojtari i Leicester ka ndërtuar jetën e tij në Manchester dhe së shpejti ai dhe bashkëshortja e tij do të presin fëmijën e parë.

Merkato verore te Kampionët e Anglisë është shumë e nxehtë pasi emra si Gabriel Jesus dhe Raheem Sterling përfliten për një largim të mundshëm nga ekipi. Mahrez u transferua te Man City në vitin 2018 dhe ekipi i Leicester përfitoi një shumë rreth 60 milion paund për sulmuesin.

Në sezonin e fundit në premier league ai zhvilloi 28 ndeshje duke shënuar 11 gola dhe asistuar 5 herë për shokët e skuadrës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat