Chelsea është gati të bëjë lëvizjen konkrete për të marrë shërbimet e Matthijs de Ligt. Blutë e Londrës duan me çdo kusht që të nënshkruajnë me mbrojtësin holandez, për të plotësuar boshllëkun që është krijuar në prapavijë, ndërsa de Ligt nuk është më në listën e të preferuarve të Allegrit, i cili ka dhënë miratimin e tij për ta hedhur në treg.
Chelsea është gati që të ofrojë 100 milionë euro, për të transferuar në Londër holandezin, i cili shihet si një element që do të sillte garanci për skuadrën e Tomas Tuchel. Edhe pse bëhet fjalë për një ofertë të konsiderueshme, Juventus nuk dëshiron që ta largojë mbrojtësin për një shifër më të ulët se 120 milionë euro.
Londinezët tentuan që të përfshinin në negociata Ziyech, Werner, Pulisic, Loftus-Cheek dhe Kepa, megjithatë “Zonja e Vjetër” është e prerë, duke kërkua që oferta të jetë vetëm financiare.
Tani mbetet për t’u parë nëse italianët do e pranojnë ofertën 100 milionësh të Chelsea, apo do të vijojnë këmbënguljen e tyre, duke pritur rritjen e ofertës nga ana e bluve të Londrës.
