Shuma që përfiton Lille

Futboll

Shuma që përfiton Lille

Më: 5 korrik 2022 Në ora: 11:39
Shuma që përfiton Lille

Mbyllen mes sukses bisedimet e tejzgjatura gjatë gjithë muajit qershor për afrimin e mbrojtësit anësor turk.

Tashmë Roma e ka bërë zyrtare blerjen e Mehmet Zeki Celik, që sezonin e fundit e mbylli në radhët e Lilles në kampionatin francez. Verdhekuqtë njoftuan në Twitter blerjen e futbollistit 25-vjeçar.

Celik mbërrin në Trigoria kundrejt një pagese prej 7 milionë eurosh plus 15% të të vlerës në rast rishitjeje nga Roma.

“Për mua është nder të luaj për një klub kaq të rëndësishëm: kam ambicie të mëdha dhe dua të kontribuoj në suksesin e ekipit. Ndihem i gatshëm dhe i fokusuar, nuk dorëzohem kurrë dhe gjithmonë do të më shihni duke luftuar”, – ishin fjalët e para të turkut Çelik si lojtar verdhekuq.

Zeki Celik e filloi karrierën te Bursaspori, në Turqi, më pas e vazhdoi te Karacabeyspor dhe Istanbulspor, përpara se të blihej nga Lille në vitin 2018. Me fanellën e klubit francez ai fitoi Ligue 1 në vitin 2021. Deri tani numëron 32 paraqitje me kombëtaren turke, përfshirë këtu edhe pjesëmarrjen në Kampionatin e fundit Evropian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat