Shënoi mbrëmë kundër Ballkanit, flet Buff: Na shpëtoi portieri

Futboll

Shënoi mbrëmë kundër Ballkanit, flet Buff: Na shpëtoi portieri

Më: 6 korrik 2022 Në ora: 12:00
FC Ballkani

Kampioni i Superligës së Kosovës, FC Ballkani, e nisi mbrëmë aventurën në Ligën e Kampionëve duke barazuar 1:1 me skuadrën e Zalgiris.

Ballkani nuk arriti të shfrytëzojë mundësinë si vendas në stadiumin “Fadil Vokrri”, kështu duke lënë të hapur çdo gjë në ndeshjen e kthimit sa i përket kualifikimit tutje.

Ndeshjen e mbrëmshme tani e ka analizuar mesfushori dhe golashënuesi i vetëm i kampionit të Lituanisë, Oliver Buff, i cili tha se pavarësisht barazimit skuadra duhet të jetë e kënaqur me atë që e ka arritur.

“Fillimi i ndeshjes nuk ishte i mirë, pasi nuk e donim. Kundërshtarët fituan besim, dhe ne nuk luajtëm mirë. Nuk mendoj se fillimi ishte nervoz, kemi shumë lojtarë me përvojë. Por ndonjëherë mund të ndodhë, nuk i fituam duelet. I vonuam duelet, i lejuam edhe një sekondë të kontrollonin topin, i lejuam të nisnin sulmet. Duhet të analizojmë gabimet dhe të luajmë më mirë pas një jave. A jemi të kënaqur me rezultatin? Unë do të thosha se ai nuk është i keq. Ne donim të fitonim këtu. Kundërshtarët kanë një ekip të mirë dhe mund të luajnë futboll të mirë. Nuk do të jetë e lehtë javën e ardhshme”, tha Buff.

Më tej, Buff tregoi se rezultati i arritur ishte falë portierit Edvin Gertmons, i cili ia mohoi golin Ballkanit në disa raste.

“Ne i lejuam kundërshtarët të krijonin raste, ne kishim rastet vetë. Sulmet e kundërshtarit ishin vërtet të mprehta, portieri Edvin Gertmons na shpëtoi portën nga golat. Angazhimi i skuadrës ishte i mirë, shumë aksion, përpjekje, por kishte edhe shumë gabime. Kjo nuk na lejoi të arrijmë një rezultat më pozitiv”, tha Buff.

Për fund, mesfushori i Zalgiris tregoi se ishte e vështirë që të luajnë në stadiumin “Fadil Vokrri” për shkak të terrenit të papërshtatshëm, por tha se shpreson që skuadra ta shfrytëzojë avantazhin e vendasit në ndeshjen e ardhshme.

“Nuk ishte e lehtë të luash në këtë fushë, ishte e thellë. Megjithatë, për të dyja skuadrat ishte njësoj. Shpresoj se do të kemi një avantazh në fushën tonë dhe do të mund të luajmë futboll më të mirë”, tha Buff.

Ndeshja e kthimit do të zhvillohet më datën 12 korrik, ku skuadra e Ballkanit do të jetë në rolin e mysafirit në stadiumin “LFF” në Vilnius.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat