Reali i prerë: Boll i ke aq miliona, të mjaftojnë

Futboll

Reali i prerë: Boll i ke aq miliona, të mjaftojnë

Më: 7 korrik 2022 Në ora: 12:20
Reali

Ferland Mendy mbylli sezonin e tretë me Realin e Madridit. Mbrojtësi i majtë është kthyer në titullar fiks tek ekipi i Carlo Ancelottit, teksa dha kontributin e tij në fitimin e titullit kampion, Superkupës së Spanjës dhe Champions League.

27-vjeçari ka kontratë deri në vitin 2025 me “Los Blancos” dhe përfiton 4.6 milionë euro në sezon. Miliona që nuk mjaftojnë më sipas lojtarit francez, i cili u ka kërkuar drejtuesve rinovimin dhe rritjen e pagës.

Ok Diario shkruan se kërkesa e lojtarit me origjinë nga Senegali është refuzuar nga presidenti Florentino Perez. “Boll i ke aq miliona, janë mese të mjaftueshme për ty”, ka qenë përgjigja për Mendy.

Te Reali nuk e kanë problem nëse e humbasin lojtarin anësor. Nëse ai ka pakënaqësi mund të kërkojë për një klub tjetër që është i gatshëm të paguajë 55 milionë euro për t’ia “rrëmbyer” klubit spanjoll.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat