Juventusi “blindon” një talent, firmos deri në 2026

Futboll

Juventusi “blindon” një talent, firmos deri në 2026

Më: 10 gusht 2022 Në ora: 17:43
Juventusi “blindon” një talent, firmos deri në 2026

Klubi i Juventusit ka rinovuar kontratën me një nga të rinjtë më të talentuar në dispozicion të Max Allegrit. Bardhezinjtë kanë zyrtarizuar zgjatjen e bashkëpunimit me Nicolo Fagiolin.

Mesfushori ka firmosur deri në vitin 2026 me klubin italian, pjesë e të cilëve është prej vitit 2015. 21-vjeçari, i cili numëron 4 ndeshje me Italinë U21, vlerësohet shumë nga trajneri Allegri.

Fagioli e kaloi sezonin e fundit në Serie B te Cremonese, duke ia dalë të japë kontributin e tij (33 ndeshje, 3 gola dhe 7 asiste) në rikthimin e ekipit në elitën e futbollit italian pas 26 vitesh.

Tani është gati të nisë një sezon si protagonist me ekipin e zemrës, teksa shpreson të përfitojë sa më shumë minuta me 36 herë kampionët e Italisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat