Partizani prezanton trajnerin e ri

Futboll

Partizani prezanton trajnerin e ri

Më: 10 gusht 2022 Në ora: 18:05
Partizani prezanton trajnerin e ri

Partizani ka prezantuar trajnerin e ri. Pasi u mbyll të hënën bashkëpunimi me Dritan Mehmetin, sot është zyrtarizuar ulja e Giovanni Kolelas në stolin e ekipit të kuq.

56-vjeçari është italiani i radhës që merr drejtimin e Partizanit pas emrave si Agostinelli, Lerda, Iuliano apo Sormani. Kolela drejtoi edhe Apoloninë në periudhën 9 shtator-30 nëntor 2020.

Më parë ai ka drejtuar skuadra si Vicenza, Rimini, Siena, Como, Renate, Bassano dhe Legnago. Kolela do të prezantohet sot në orën 19:00.

“Partizani zyrtarizon arritjen e marrëveshjes me trajnerin Giovanni Kolela. 55 vjeçari italian, i cili do të drejtoj skuadrën përgjatë sezonit të ri është prezantuar sot nga presidenti Gazment Demi dhe drejtori sportiv Elton Marini.

Kolela do ti bashkohet menjëherë ekipit për të nisur zyrtarisht punën në seancën e sotme stërvitore të programuar në orën 19:00 në kompleksin sportiv Partizani”, lexohet në postimin e Partizanit në faqen zyrtare.

Si çdo sezon objektivat e “Demave” janë fitimi i trofeve, teksa sfida e parë e sezonit 2022/2023 në Abissnet Superiore do të luhet në shtëpi përballë Egnatias (20 gusht).

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat