Vendos një rekord në sfidën ndaj Sevillës

Futboll

Vendos një rekord në sfidën ndaj Sevillës

Më: 1 tetor 2022 Në ora: 18:09
Jorge Resurreçion Merodio

Jorge Resurreçion Merodio ose siç e njohin të gjithë, Koke do të vendos këtë mbrëmje një rekord të ri te skuadra e Atletico Madrid.

Kapiteni i madrilenëve, me vendin e titullarit ndaj Sevilla-s, prek kuotën e 554 ndeshjeve dhe duke u bërë zyrtarisht lojtari me më shumë prezenca te Atletico Madrid.

30-vjeçari parakalon në këtë renditje një legjendë të “Los Colchoneros” si Adelardo Rodriguez, i cili ka qenë lojtarë i Atletico-s në vitet 1959-1976 dhe kryesonte këtë listë prej shumë vitesh me 553 ndeshje.

Koke është një produkt i madrilenëve dhe një “emblemë” e Atletico, por tani ai shkruan emrin e tij me gërma të arta në historinë e kësaj skuadre duke u bërë lojtari me më shumë prezenca dhe jo vetëm, por ka mundësinë edhe ta thellojë këtë rekord.

Mesfushori ka debutuar me skuadrën e parë në sezonin 2008-2009 dhe përpos ndeshjeve ai ka shënuar edhe 47 gola.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat