Në “Air Albania”, sonte në orën 19:00 do të luhet derbi Partizani-Tirana.
Të kuqtë pritës do të kërkojnë të thyejnë “mallkimin” pasi kampionët aktualë të Shqipërisë nuk mposhten nga Partizani prej pesë ndeshjesh.
Sfida pritet me shumë rivalitet, ku “demat e kuq” vijnë si kryesues të kampionatit me 12 pikë, + 4 nga bardheblutë e vendit të 5-të.
Kampionët në fuqi të Orges Shehit do të luajnë këtë ndeshje pas fitores ndaj Teutës, teksa nuk mposhten prej 3 ndeshjesh, disfata e parë dhe e fundit ishte kundër Vllaznisë në stadiumin “Selman Stërmasi” me shifrat 1-2.
