Kampionati i futbollit amator 5×5 i FSHF ngre siparin në edicionin e ri

Futboll

Kampionati i futbollit amator 5×5 i FSHF ngre siparin në edicionin e ri

Më: 4 tetor 2022 Në ora: 19:08
Kampionati i futbollit amator 5×5 i FSHF ngre siparin në edicionin e ri

Pas kampionatit amator të futbollit 9×9, ka nisur edhe edicioni i radhës i kampionatit të futbollit 5×5 të organizuar nga Federata Shqiptare e Futbollit e që është turneu më popullor e me më shumë masivitet mes të apasionuarve pas futbollit.

Gjatë javës së kaluar janë luajtur pesë ndeshjet e javës së parë në Grupin C të Zonës së Tiranës, ndërsa gjatë kësaj jave do të luhen edhe ndeshjet e tjera të kësaj premiere.

Në Zonën e Tiranës këtë edicion marrin pjesë 68 skuadra të ndara në 7 grupe dhe risia është pjesëmarrja e 10 skuadrave nga Forcat e Armatosura të Shqipërisë, që formojnë një grup dhe do të garojnë këtë sezon për titullin kampion. Ndeshjet e këtij kampionati luhen në ditë të ndryshme të javës, teksa FSHF merr përsipër organizimin e ndeshjeve dhe pagesat për zyrtarët, siguri fizike dhe asistencën mjekësore.

Javën e ardhshme do të nisë kampionati edhe në Zonën e Durrësit, ndërkohë që në javët në vazhdim me mbylljen e regjistrimeve të lojtarëve do të hidhet shorti edhe për zonat e Elbasanit, Shkodrës dhe Korçës. Pasi të kenë luajtur të gjitha ndeshjet në fazën e grupeve, ekipet e kualifikuara do të kalojnë në fazën play-off për të shpallur edhe kampionin e ri kombëtar të kampionatit 5×5.

Ndryshe nga viti i kaluar pritet që në këtë edicion të kemi 160 ekipe pjesëmarrëse, një rritje e konsiderueshme krahasuar me sezonin e kaluar. Në 6 ndeshjet e javës së parë nuk kanë munguar golat dhe sfidat emocionues.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat