Ferizaj synon fitore, “Ujqit” rikthehen në tribuna

Futboll

Ferizaj synon fitore, “Ujqit” rikthehen në tribuna

Nga: K. G. Më: 26 nëntor 2022 Në ora: 11:47
Ferizaj synon fitore, “Ujqit” rikthehen tribuna

Tifozët “Ujqit” rikthehen në tribuna. 

Ata pas një kohe të gjatë rikthehen në përkrahje të klubit të futbollit Ferizaj.

Ferizajasit sprovohen nga  Dukagjini i Klinës në kuadër të javë së 18-të të elitës së futbollit të Kosovës.

“Sot zhvillohet xhiroja e fundit, e 18-ta në kuadër të “ALBI MALL Superligën e Kosovës në futboll”, për stinorin vjeshtor.

Do ta mirëpresim në Ferizaj, skuadrën e Dukagjinit nga Klina, nga e cila pësuam humbje në takimin e parë të zhvilluar si mysafirë. 

Në 17 ndeshje, pësuam shumë, e shumë prej tyre erdhën si pasojë e gabimeve tona e jo nga dallimet në fushë për sa i përket kualitetit të ekipeve me të cilat jemi përballur. 

E veçanta e takimit të nesërm është se në shkallët e stadiumit do të rikthehen ata të cilat na kanë munguar e i kemi munguar, tifozëria më e flaktë, Ujqit.

Tifozët tonë do të mblidhen nga ora 12:00 tek Salla e Sporteve “Bill Clinton”, ku së bashku do të marrin rrugë për në stadium. 

Qytetit e ekipit i kanë munguar Ujqit, por edhe këtyre të fundit ekipa. Nesër djemtë e kanë të nevojshme përkrahjen e secilit që mendoni se asgjë nuk ka përfunduar. 

Ne besojmë, besoni edhe ju Forca Ferizaj”, njofton FC Ferizaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat