Gjilani synon të frenojë Ballkanin

Futboll

Gjilani synon të frenojë Ballkanin

Më: 27 nëntor 2022 Në ora: 12:05
Gjilani synon të frenojë Ballkanin

Albi Mall Superliga e Kosovës vazhdon sot me tre ndeshje të tjera që janë në program në kuadër të xhiros së 18-të.

Ditën e djeshme u zhvilluan dy sfida, ku Ferizaj dhe Dukagjini luajtën baras 0-0, derisa Drita mori tre pikë të mëdha në udhëtim te Drenica pas fitores 1-3.

Padyshim që vëmendja më e madhe e adhuruesve të futbollit kosovar sot është në Gjilan, ku Gjilani pret kampionin në fuqi Ballkanin.

Dy skuadrat në këtë sfidë vijnë pas fitoreve në xhirot e fundit dhe synojnë të vazhdojnë njësoj.

Duel shumë interesant dhe i zjarrtë pritet të luhet edhe në stadiumin ‘Riza Lushta’ në Mitrovicë.

Trepça ’89 do të jetë nikoqir i Prishtinës në derbin e vjetër të futbollit kosovar.

Minatorët nuk dëshirojnë të dimërojë në zonën e rënies dhe kërkojnë fitoren, derisa Prishtina synon këndelljen pas katër ndeshjeve pa fitore.

Ndeshja e fundit, por jo nga rëndësia e ditës së sotme zhvillohet ajo mes Malishevës dhe Llapit.

Vetëm një pikë dhe një pozitë është dallimi në tabelë mes dy skuadrave dhe kjo e bën atë një ndeshje shumë interesante.

Të gjitha sfidat e ditë së sotme zhvillohen me fillim nga ora 13:00. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat