Shkeli flamurin meksikan, Canelo kërcënon Messin

Futboll

Shkeli flamurin meksikan, Canelo kërcënon Messin

Më: 28 nëntor 2022 Në ora: 12:24
Shkeli flamurin meksikan, Canelo kërcënon Messin

Canelo Alvarez është zemëruar me Lionel Messin. Boksieri meksikan shikoi pamjet e festimeve të Argjentinës në dhomën e zhveshjes pas fitores 2-0 të vendit të tyre dhe në një moment Leo shihet duke shkelmuar një bluzë të rënë dhe një flamur meksikan.

Madje në rrjetet sociale ylli i Parisit u akuzua se fshiu dyshemenë me simbolet e Meksikës, diçka që e miratoi edhe Canelo që kërcënoi drejtpërdrejt Messin.

“Pashë Messin duke pastruar dyshemenë me fanellën dhe flamurin tonë.

Shpresoj të mos e gjej para meje! Siç e respektoj unë Argjentinën, ashtu edhe ai duhet të respektojë Meksikën.

Nuk po flas për vendin në tërësi, por vetëm për gjërat që bëri Messi”, ka shkruar në Twitter 32-vjeçari kampion bote që ka 58 fitore (39 me nokaut) dhe vetëm 2 humbje në karrierë.

Disa ndjekës të Canelos nxituan në mbrojtje të Messit, duke theksuar se ai nuk është ai lloj personazhi dhe mesa duket lëvizja fatkeqe e shfaqur në video ishte e rastësishme dhe jo e qëllimshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat