Kundër kujt shfryu Ronaldo kur u zëvendësua?

Futboll

Kundër kujt shfryu Ronaldo kur u zëvendësua?

Më: 2 dhjetor 2022 Në ora: 19:54
Kundër kujt shfryu Ronaldo kur u zëvendësua?

Trajneri i Portugalisë, Fernando Santos, në prononcimin për mediet pas sfidës së humbur ndaj Koresë së Jugut, shmangu polemikat mbi reagimin e Cristiano Ronaldos, i cili u fiksua nga kamerat duke shfryrë dhe sharë në momentin e zëvendësimit.

Santos siguroi se sjellja e Ronaldos nuk kishte të bënte me vendimin e tij për ta zëvendësuar, por ishte reagim ndaj një futbollisti kundërshtar, që e kishte fyer.

“Po, Ronaldo ishte shumë i mërzitur, por me lojtarin Korean, që e ofendoi dhe i foli në fushë. Ai u kundërpërgjigj dhe kjo ishte krejtësisht normale.

Kam dëgjuar atë që tha koreani në anglisht dhe nuk kam asnjë dyshim për këtë. Edhe Pepe e ndoqi koreanin pas ofendimit që i bëri Ronaldos,” shtoi Fernando Santos.

Ky ishte justifikimi i teknikut luzitan për sjelljen e CR7. Sigurisht që mediet do të vazhdojnë ta trajtojnë me kujdes këtë çështje, duke mos u besuar shumë fjalëve të Santosit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat