Sot varroset futbollisti 17-vjeçar i Trepçës ’89 që vdiq dje në fushë

Futboll

Sot varroset futbollisti 17-vjeçar i Trepçës ’89 që vdiq dje në fushë

Më: 4 dhjetor 2022 Në ora: 08:39
Erion Kajtazi

Ish-futbollisti i Trepçës ’89, Erion Kajtazi, që vdiq dje si pasojë e një arresti kardiak, do të varroset sot.

Lajmin e ka bërë të ditur një familjar i tij, Shkumbin Kajtazi, i cili tha se varrimi do të bëhet në orën 14:30.

“Miq e familjarë, djali ma i mirë i familjes, Erioni, na la sot. Varrimi do të bëhet në ora 14:30 në fshatin Zasellë”, ka shkruar Kajtazi.

Erion Kajtazi vdiq gjatë një ndeshje futbollistike, ku në minutat e fundit të pjesës së parë ra pa ndjenja në tokë.

Në lidhje me ngjarjen e rëndë, ka reaguar edhe FFK-ja ku tha se stafet mjekësore të të dyja klubeve kanë intervenuar me shpejtësi, por përkundër përpjekjeve, Erioni s’ka dhënë shenja jete.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat