Hetimet kanë zbuluar...

Futboll

Hetimet kanë zbuluar...

Më: 6 dhjetor 2022 Në ora: 21:23
Hetimet kanë zbuluar...

Përgjimet telefonike që u janë bërë drejtuesve të Juventusit gjatë hetimit të “Prisma” për llogaritë e klubit të Juventusit, kanë gjithashtu një tjetër implikim kurioz. Falë telefonatave të përgjuara mes drejtorit sportiv Çerubini dhe Andrea Anjelli, por edhe nga mesazhet e vitit 2019 me Fabio Paraticin, kanë dalë në pah disa nga negociatat e studiuara nga Juventusi në tregun e transferimeve.

Në listë për t’u ndjekur ishin Haaland, në atë kohë te Salzburg dhe lojtarët me skadencë për t’u mbajtur nën sy, duke konfirmuar interesin e vërtetë të “Zonjës së Vjetër” për Xhixhi Donaruman, gjatë kohës që luante për Milanin.

Nëse Haaland nga Salzburgu, Malen nga PSV, Zaniolo, Tonali, Kumbulla dhe Kullushevski përmenden për lojtarët e rinj për t’u ndjekur, ky i fundit është i vetmi i marrë nga Juventusi.

Një shkëmbim me Totenham do të kishte çuar De Shilio në Londër dhe Rose në Torino. Nga ana tjetër, shkëmbimi Emre Çan-Leandro Paredes, duhet të ishte bërë me PSZH-në, duke i vlerësuar të dy në 60 milionë euro. Argjentinasi më pas mbërriti këtë vit në ekipin e Allegrit.

Transferimi i Demiralit te klubi i Juventusit ishte pothuajse i përfunduar në pritje të ofertës nga agjenti i mbrojtësit turk, ndërsa me Man. Junajted shkëmbimi i propozuar nga klubi anglez do të kishte sjellë Doni van de Beek te Juventusi, në këmbim të MekKennie, i vlerësuar në 50 milionë euro. Marrëveshja për mesfushorët nuk u konkretizua.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat