Holanda eliminohet
Argjentina ka shënuar fitore me penallti me rezultat 4:3 ndaj Holandës, duke u kualifikuar në gjysmëfinale të Kampionatit Botëror, që po mbahet në Katari.
Ndeshja në kohën e rregullt përfundoi baras (2:2) po ashtu edhe pas vazhdimeve dy herë nga 15 minuta apo pas 120 minutave.
Një ndeshje luftuar deri në frymën e fundit dhe me kthesa në rezultat.
Hero i fitores është portieri Emiliano Martinez, duke pritur dy penallti të holandezëve.
Në minutën e 35-të, Lionel Messi, ka asistuar me një top të gjatë, ndërsa Nahuel Molina për bukuri i shmanget mbrojtjes së Holandës, del vetëm dhe e mposht portierin Noppert; 1:0
Argjentina ka treguar lojë më të mirë, ishte më e rrezikshme për gjatë 75 minutave dhe ka shënuar dy gola.
Messi gjithnjë i rrezikshëm për kundërshtarin.
I ashtuquajturi jashtëtokësor, Messi, me gjakftohtësi ka shënuar nga penalltia për rezultatin 2:0 pikërisht në minutën e 73-të.
Zëvendësuesi Wout Weghorst ka treguar lojë të madhe dhe me dy golat e tij ka barazuar rezultatin. Ai u inkuadrua në lojë në minutën e 78-të.
Holanda këndellet dhe pas dhjetë minutave shënojnë për rezultatin 2:1 duke iu falënderuar golit me kokë të futbollistit Wout Weghorst. Ai ka shënuar në këndin e djathtë.
Në minutën e 85-të, fat për argjentinasin. Luuk de Jong godet fort por topi shkoj përskaj shtyllë së majtë.
Në minutën e 90+11, Holanda ka barazuar. Një skemë e bukur e Holandës, ndërsa Wout Weghorst me gjakftohtësi nga afërsia ka barazuar 2.2.
Ndeshja shkoi në vazhdime dy herë nga 15 minuta.
Në minutën e 115-të, Lautaro Martinez pati mundësi ideale por topi godet futbollistin holandez dhe shpëton gol të sigurt.
Në minutën 120-të, Holanda me fat, shtylla e mohon golin e Fernandez, i cili gjuajti nga rreth 18 metra.
Penalltitë, për Holandën realizuan Koopmeiners, Weghorst, de Jong; dështuan van Dijk, Berghuis dhe për Argjentinën shënuan Messi, Paredes, Montiel, L. Martinez, dështoi Fernandez.
Argjentinasit u treguan më të suksesshëm me penallti, duke u kualifikuar dhe i pret nënkampioni në fuqi i botës, Kroacia.
Holanda - Argjentina 2:2 - 3:4 me penallti
Shënues: Weghorst (83' e 90+11')) - Molina (35'), Messi (73' -nga penalltia).
Kartona të verdhë: Timber, Weghorst, Depay , Berghuis - Acuña, Romero, Martinez Li. (Di Maria 112'), Paredes, Messi, Otamendim Montiel, Pezzella .
Holanda: Noppert; Dumfries, Timber, Van Dijk, Aké, Blind (de Jong 64'); De Roon (Koopmeiners 46'), De Jong; Gakpo (Lang 113'), Bergëijn (Berghuis 46'), Memphis Depay (Weghorst 78').
Argjentina: Martínez; Molina (Montiel 106'), Romero (Pezzella 78'), Otamendi, Lisandro Martínez, Acuña (Tagliafico 78'); Mac Allister, Enzo Fernández, De Paul (Paredes 66'); Messi, Julián Álvarez (Martinez La. 82').