Ish kapiteni i fituesit të Kupës së Kosovës, Llapi të Podujevës, ka arritur marrëveshje me klubin e futbollit Kosova e Dysseldorfit, e cila garon në Bezirksliga.
Lajmin e ka bërë të ditur presidenti i klubit FC Kosova, Bujar Neziri.
Idrizi është futbollist me përvojë dhe ka qenë prej më të mirëve në Superligën e Kosovës.
Kosova e Dusseldorfit do të jetë edhe më e kompletuar me mbrojtësin Idrizi dhe po ashtu përforcojnë edhe më shumë synimet për t’u ngritur në Landesliga.
Idrizi me Llapi ka fituar 2 herë Kupën e Kosovës, 1 herë Superkupën dhe 2 herë Superkupën Kosovë-Diasporë.
Ai luajti për 4 vite e gjysmë për llapjanët, nga 151 ndeshje ka shënuar 6 gola e 12 asistime në 13.228' minuta të luajtura.
Kosova renditet në vend të tretë me 30 pikë por ka një ndeshje me pak të zhvilluara.
