Radhë të gjata tifozësh jashtë stadiumit, shtyhet ndeshja Napoli-Cagliari!
Napoli-Cagliari shtyhet me 30 minuta.
Sfida e vlefshme për javën e 16 në Serinë A duhej të startonte në orën 18:00 ,por era e fortë krijoi vështirësi për hyrjen e tifozerisë në stadium.
Pikërisht radhët e gjata të tifozerisë në hyrje të dyerve të stadiumit, bërën që organizatorët të ndërhyjnë dhe të vendosin që ndeshja të startojë në orën 18:30.
Vlen të theksohet se deri dy orë para sfidës, zhvillimi i saj ishte në dyshim pikërisht për shkak të kushteve atmosferike, por më pas u vendos që të luhet, ndonëse me 30 minuta vonesë.