Konferenca zgjati veç 5 minuta, lojtarët e përjashtuar s’përmenden fare!
Kombëtarja e Kosovës ka mbajtur sot një konferencë për shtyp në Qipro, para ndeshjes me kombëtaren e këtij shteti.
Konferenca u mbajtë në një ditë tronditëse për kombëtaren e Kosovës, pasi Federata e Futbollit e Kosovës njoftoi për përjashtimin e Edon Zhegrovës, Florent Muslijës dhe Arijanet Muric për thyerje të rregullave të brendshme.
Në një konferencë për shtyp që zgjati saktësisht 4 minuta e 58 sekonda, asnjëherë s’u përmendën tre lojtarët e përjashtuar.
Derisa selektori Franco Foda dhe Amir Rrahmani folën vetëm për ndeshjen e nesërme ndaj Qipros.
