Thellohet kriza e Tiranës dhe Skënderbeut

Futboll

Thellohet kriza e Tiranës dhe Skënderbeut

Më: 27 mars 2025 Në ora: 22:10
Tabela

Ka përfunduar java e 31-të e kampionatit “Abissnet Superiore”.

Egnatia, falë barazimit në shtëpi ndaj Vllaznisë me rezultatin 2-2, ka siguruar matematikisht pjesëmarrjen në fazën “Final Four”.

Me vetëm 5 javë të mbetura nga përfundimi i kampionatit të rregullt, rrogozhinasit janë shkëputur 15 pikë nga vendi i pestë, që mbahet nga AF Elbasani.

Avantazhi në ndeshjet direkte ndaj AF Elbasanit bën që kampionët në fuqi të Shqipërisë të jenë të parët që sigurojnë pjesëmarrjen në “Final Four”.

Dinamo City triumfoi ndaj Partizanit në “Elbasan Arena” 1-0. Blutë qëndrojnë në vendin e dytë të “Abissnet Superiore” me 54 pikë.

Teuta u rikthye te fitorja në shtëpi, pasi mposhti Skënderbeun 1-0. Goli i Rrok Tomës në minutën e 13-të ishte vendimtar në këtë takim.

AF Elbasani mundi në transfertë Laçin 0-1. Tani gara për vendin e katërt bëhet tepër interesante, pasi AF Elbasani është vetëm katër pikë larg Partizanit, që mban vendin e tretë.

Ndeshja Tirana – Bylis u mbyll në barazim me rezultatin 2:2.

comment Për komente lëvizni më poshtë
Sot mund të lexoni Shfletoni kopertinat