Kryetrajneri i ri i Baselit është Ludovic Magnin (46 vjeç).
“Ludovic Magnin (46) nuk mund t'i kishte planifikuar pushimet e tij më mirë.
Ndërsa spekulimet për nënshkrimin e tij me FC Basel vazhduan për ditë të tëra në Zvicër, ish lojtari nga Vaud ishte i rehatuar në një ishull grek”, shkruan mediumi zviceran “Blick”.
"Kjo më lejoi t'u përgjigjem të gjitha pyetjeve duke thënë se isha me pushime", shpjegoi kryetrajneri i ri i FC Baselit në prezantimin e tij të martën.
"Kur vjen në Basel, presioni është gjithmonë i lartë, pavarësisht sezonit të kaluar.
Por nëse e bën këtë punë, duhesh të jesh në gjendje ta përballosh atë", thotë Magnin.
Kapiten i Baselit është Xherdan Shaqiri, ku luajnë edhe dy shqiptarë Leon Avdullahu dhe Albian Ajeti.
