Federico Gatti ka zyrtarizuar rinovimin e kontratës

Futboll

Federico Gatti ka zyrtarizuar rinovimin e kontratës

Më: 26 korrik 2025 Në ora: 13:22
Federico Gatti

Federico Gatti ka zyrtarizuar rinovimin e kontratës me Juventusin deri në vitin 2030, duke konfirmuar besimin afatgjatë që klubi ka ndaj tij dhe rolin që pritet të ketë në projektin e ri të “Zonjës së Vjetër”.

Përmes një postimi në Instagram, mbrojtësi italian shprehu ndjenjat e tij pas këtij lajmi të rëndësishëm: “Është e vështirë ta shpjegoj me fjalë sa shumë do të thotë për mua të jem pjesë e këtij klubi.

Do ta tregoj në fushë, duke nderuar dhe mbrojtur këto ngjyra. 2030”.

Gatti, i ardhur nga Frosinone në vitin 2022, ka njohur rritje graduale në Torino, duke kaluar nga një rol mbështetës në titullar të rëndësishëm, veçanërisht nën drejtimin e Massimiliano Allegrit.

Sezonin 2024-2025 e startoi si pjesë e pandashme e mbrojtjes nën drejtimin e Thiago Motta, i cili e vlerësonte shumë për grintën, përqendrimin dhe përkushtimin e tij. Në sezonin e fundit ai zhvilloi 36 ndeshje në të gjitha kompeticionet, duke shënuar edhe 3 gola, një nga të cilët shumë i rëndësishëm në derbin ndaj Torinos.

Ky rinovim i gjatë është sinjal i qartë se Juventusi dëshiron të ndërtojë një bërthamë solide me lojtarë italianë. Gatti është një nga emrat kyç për të ardhmen bardhezi.

comment Për komente lëvizni më poshtë
Sot mund të lexoni Shfletoni kopertinat