UEFA e cakton gjyqtarët për Dinamon

Futboll

UEFA e cakton gjyqtarët për Dinamon

Më: 27 korrik 2025 Në ora: 13:10
Gjyqtarët

Dinamo do të presë Atletik Eskaldes, më 31 korrik ora 20:45. Blutë synojnë të kualifikohen në turin e tretë, pasi fituan 1 me 2 në transfertën e Andorrës.

UEFA ka caktuar gjyqtarin Jasmin Sabotiç për të vendosur drejtësi në “Elbasan Arena”. Krah përfaqësuesit nga Luksemburgu do të jenë asistentët Rafael Morim dhe Dani Dias Balsa. Gjyqtar i katërt është Loiç Tomas.

Sabotiç ka stemën e FIFA-s nga viti 2020. 30-vjeçari ka gjykuar më parë Shpresat, që fitonin 3 me 1 përballë Andorrës në “Elbasan Arena”.

Rastësia qëndron se ndeshen sërish dy skuadra, njëra që përfaqëson Shqipërinë dhe tjetra Andorrën.

Eksperienca e vetme ndërkohë me një klub shqiptar është ndaj Dukagjinit. Para dy vitesh, skuadra e Superligës së Kosovës sfidonte Rijekën në Ligën e Konferencës ku mposhtej 0 me 1.

comment Për komente lëvizni më poshtë
Sot mund të lexoni Shfletoni kopertinat