Huijsen largohet nga grumbullimi me Spanjën shkaku i lëndimit

Futboll

Huijsen largohet nga grumbullimi me Spanjën shkaku i lëndimit

Më: 17 nëntor 2025 Në ora: 09:03
Dean Huijsen

Dean Huijsen është larguar nga kampi stërvitor i Kombëtares së Spanjës dhe tashmë është nisur për t’u rikthyer te Real Madridi.

Federata Spanjolle nuk ka dhënë një arsye zyrtare për këtë vendim, por klubi madrilen kishte njoftuar më herët se mbrojtësi i ri po përballet me një problem fizik.

Pikërisht për shkak të këtij shqetësimi, Huijsen nuk ishte në dispozicion për ndeshjen e parë të Spanjës gjatë pushimit të nëntorit.

Situata e tij fizike ka bërë që stafi teknik ta mbajë nën monitorim të vazhdueshëm.

Megjithatë, pavarësisht largimit nga kombëtarja, pritshmëritë janë pozitive.

Huijsen pritet të jetë plotësisht i gatshëm për t’u rikthyer në fushë me Real Madridin menjëherë pas përfundimit të angazhimeve ndërkombëtare, në sfidën e radhës kundër Elche. 

comment Për komente lëvizni më poshtë
Sot mund të lexoni Shfletoni kopertinat