Ndeshja mes Struga Trim Lum dhe Shkëndijës së Haraçinës, e vlefshme për javën e parë të sezonit të ri në Ligën e Parë të Maqedonisë së Veriut, do të nisë me 30 minuta vonesë.
Takimi, i planifikuar të fillojë në orën 17:00, do të startojë në orën 17:30.
Ndryshimi i orarit është konfirmuar nga Struga TL përmes rrjeteve sociale.
Për Shkëndijën e Haraçinës kjo sfidë do të jetë historike, pasi është ndeshja e parë e klubit në elitën e futbollit të Maqedonisë së Veriut, pas promovimit në Ligën e Parë.
Ndërkohë, Struga TL synon ta nisë sezonin e ri me fitore para tifozëve të saj.