Gjyqtari Hernandez Hernandez dhe Iglezias Vilanueva si zyrtar i VAR janë kritikuar nga kanali zyrtar i Real Madrid.
Sipas tyre ata u treguan të paaftë, pikërisht në sfidën që Reali humbi 1 me 0 ndaj Betisit.
“E pamë në ditën e parë të ndeshjes me shkelmin e Calas ndaj Viniciusit ose sjelljen e e Rafinjës me Ortiz Arias, duke i treguar mustaqet.
Kjo është ajo që na pret”, ishte pjesë e komentit në “Real Madrid TV”.
Në anën tjetër u vazhdua me hipotezën se nëse e njëjta sjellje e gjyqtarëve do të ishte ndaj Barcelonës.
Kujtojmë se Realit fillimisht iu anulua një gol që do të sillte barazimin.
Më pas u akordua penallti, të cilën Mbape e humbi. Reali u largua me humbje nga transferta, edhe pse rezultati mund të ishte ndryshe.