Dortmundi shpenzoi mbi 100 milionë euro për transferime

Futboll

Dortmundi shpenzoi mbi 100 milionë euro për transferime

Më: 30 tetor 2026 Në ora: 10:41
Borussia Dortmundi

Borussia Dortmundi investoi mbi 100 milionë euro gjatë afatit kalimtar të verës për të përforcuar skuadrën, por disa nga transferimet ende nuk kanë dhënë rezultatet e pritshme.

Në mesin e lojtarëve që po përballen me vështirësi janë dy talentet nga Amerika e Jugut, Justin Lerma dhe Kaua Prates, për të cilët klubi gjerman investoi rreth 16 milionë euro, përfshirë bonuset e mundshme.

Lerma ende nuk ka debutuar zyrtarisht me ekipin e parë për shkak të një lëndimi muskulor, ndërsa Prates ka regjistruar vetëm pak minuta në Bundesligë, Kupën e Gjermanisë dhe Ligën e Kampionëve.

Përveç lëndimeve, të dy futbollistët po përballen edhe me konkurrencë të fortë në skuadrën e drejtuar nga Niko Kovaç.

Sipas raportimeve, Dortmundi po shqyrton mundësinë e huazimit të Lermas-it gjatë janarit, ndërsa Prates ka rifilluar stërvitjet individuale dhe pritet të rikthehet së shpejti.

Pavarësisht vështirësive, klubi vazhdon t’i konsiderojë të dy futbollistët si investime afatgjata.

Sot mund të lexoni Shfletoni kopertinat