Hendbollistët dhe hendbollistet si çdo sport tjetër kanë përjetuar dhunë të shfrenuar nga regjimi serb gjatë viteve të 90-ta (1991-1999).
Muhamet Havolli i takon Gjeneratës së Republikës dhe ka qenë prej hendbollistëve më të angazhuar të asaj kohe, duke luajtur me sukses për Llapin nga Podujeva.
Havolli me gjeneratën e Llapit të asaj periudhe, ishin ndër ekipet më të respektuara dhe sfidues për shumë ekipe, duke i zhvilluar ndeshjet si vendas në Dumnicë.
Ai nuk u ndal për as një çast përkundër kërcënimeve nga milicia e pushtuesit serb.
Havolli ka luajtur në gjeneratën e sakrificës dhe me mijëra sportistë iu kundërvunë okupatorit serb.
Sot është krenar që i takoi gjeneratës së sakrificës, duke e mbajtur gjallë hendbollin dhe sportin në përgjithësi.
