Agim Vrapçani - sportist në Gjeneratën e Republikës: Kur na ndalte milicia serbe, iu thoshim se po shkojmë në të pame

Hendboll

Agim Vrapçani - sportist në Gjeneratën e Republikës: Kur na ndalte milicia serbe, iu thoshim se po shkojmë në të pame

Nga: Kemajl Goca Më: 8 korrik 2021 Në ora: 18:58
Agim Vrapçani - sportist në Gjeneratën e Republikës: Kur na ndalte milicia serbe, iu thoshim se po shkojmë në të pame

Sportistët shqiptarë të Kosovës, u përballen më shumë të papritura në vitet e 90-ta (1991-1999).

Ata u ballafaquan me dhunën e paparë të pushtuesit serb. Sportistët ishin të përndjekur, të rrahur e disa edhe të arrestuar e të burgosur!

Agim Vrapçani i takon Gjeneratës së Republikës, portier i klubit me renome të hendbollit Prishtina në vitet e 90-ta.

Një sportist i guximshëm në vitet e 90-ta, kontribues i madh dhe gjithmonë me shokë sikur në vijë të parë të frontit kundër regjimit kriminal serb.

“Ka qenë kohë e vështirë, kemi pas telashe, sidomos kur udhëtonim në ndonjë qytet tjetër me luajt.

Dihej gjithmonë me Izetin (Gjinovcin) e Osmanin (Demollin), kur na ndalte milicia serbe, u thoshim që po shkojmë në një të pame se përndryshe na bënin telashe.

Kemi kaluar punkteve famoze si rrugës për Samadrexhë dhe Komoran, gjithmonë u eskivonim për mos me pas probleme.

E këtë milicin në Gërmi të koshat e patëm korruptuar me do gjëra të vogla, lëngje e qipsa, kështu që nuk na bënte telashe. Kur luanim aty atë e kemi pas spektator”, tregon Vrapçani për gazetën kombëtare “Bota sot”. 

Vrapçani është krenar për kontributin që ka dhënë në gjeneratën e sakrificës dhe së bashku me mijëra sportistë që iu kundërvunë regjimit serb.

 

Shfaq komentet
comments powered by Disqus
Sot mund të lexoni Shfletoni kopertinat