Superliga e ka emrin vetëm Superligë në hendboll!? Vushtrria fiton me 74:16

Hendboll

Superliga e ka emrin vetëm Superligë në hendboll!? Vushtrria fiton me 74:16

Nga: K.Goca Më: 10 tetor 2021 Në ora: 21:31
Superliga e ka emrin vetëm Superligë!? Vushtrria fiton me 74:16

Superliga e Kosovës në hendboll (femrat) pothuajse u bë për turp, ndryshe nuk mund të quhet me rezultate të tilla e pa fije rivaliteti mes ekipeve, siç ndodhi në ballafaqimin mes Vushtrrisë dhe Dritës nga Gjilani. 

Vushtrria ka shënuar fitore me rezultat 74:16 ndaj Dritës apo me 58 gola epërsi në kuadër të javës së 4-të. Pjesa e parë përfundoi me 37:7.

Edhe në basketboll shumë herë nuk bien 74 pikë, e në hendbolli 74 gola.

Lorena Matarova shënoi 15 gola, Gentiana Basholli 13, Donita Kasumi 12, Kosovare Avdiu 10, Burneta Rama 10, duke kontribuar për fitoren e thellë.

Vushtrria kryeson me 8 pikë dhe Drita është në fund me 0 pikë. 

Një Superligë me 12 ekipe, ku 50 për qind e skuadrave dallojnë shumë me 50 për qind të skuadrave tjera.

Kjo është antipropagandë e hendbollit! Edhe dje u shënua një rezultat i zi por të kadetet, Istogu e mposhti me 25:0 Ulpianën!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat