Hasan Shala shpërthen: Hendbolli i Kosovës në bisht të sorrës!

Hendboll

Hasan Shala shpërthen: Hendbolli i Kosovës në bisht të sorrës!

Nga: K.Goca Më: 19 tetor 2021 Në ora: 17:46
Hasan Shala shpërthen: Hendbolli i Kosovës në bisht të sorrës!

Veprimtari i shquar i hendbollit, Hasan Shala, ka humb durimin me hendbollin femëror, sidomos pas humbjes së kampiones së Kosovës, Vushtrria, me rezultat 41:6 nga ekipi zviceran Eagle Spono.

Vushtrria brenda dy ditëve dy herë pësoi humbje nga e njëjta ekip, me rezultat të turpshëm 42:14 e 41:6. 
Këto humbje shkaktuan edhe neveri në komunitetin e hendbollit të Kosovës.   

“Hendbolli i Kosovës në konkurrencën e fermave në bisht të sorrës!

Në sportin e hendbollit janë tri rezultate. Më jopopullori është humbja, ama edhe humbja dinjitoze apo ajo minimale disi pranohet e kapërdihet?!

E ‘ka t’i themi humbjeve me rezultat si të Kampionit të Kosovës?

Vetëm jo humbje “dinjitoze” por humbje përtej asaj katastrofike,përqmuese e thuaji si të doni!
Pra ky është realiteti i hidhur i ekipeve të femrave në hendbollin e Kosovës në Super Ligë e të mos flasim për atë të Ligës së Parë!

Pajtohem me opinionistët e më sipërm dhe mendoj se është koha që organet adekuate të FHK të mendojnë për një sistem më të frytshëm të garave te hendbolli i femrave gjë që edhe në postimet e mëhershme e kam postuar!

Ky rezultat në asnjë mënyrë nuk arsyetohet marrë për bazë traditën e hendbollit tonë(pjesëmarrja e ekipeve të të dy gjinive në garat elite të hendbollit ush jugosllavë) andaj Dervish shoku vendet të cilat i përmende kanë investuar dhe punuar shumë në ngritjen e cilësisë së hendbollit andaj edhe rezultatet e tilla me ekipet tona janë të pritshme.

Dhembë humbja e tillë hej për krejt lojën të shënohen vetë 6 gola? mirëpo edhe në këtë rezultat duhet të kërkohen shkaktarët pasojat dhe përgjegjësitë. Unë kohë më parë pata konstatuar se fitorja e kampiones ndaj Dritës nuk ishte edhe e shëndetshme për vushtrriaset andaj këte mendim e mbajë edhe pranë këtij rezultati të Kampiones nga se e dijë se si është ndjenja tek të gjithë akterët e ekipit humbës.

Sigurisht se pasojat dhe përgjegjësitë duhet kërkuar pikë së pari në ekipin e hendbollit të femrave të Vushtrrisë e ndoshta edhe më gjerë!

Përgjegjësia ekipore determinohet nga cilësia e garave në nivel vendi organizimi për gara europiane dhe përforcimi i ekipeve për këto gara e këtu përfshihet përgjegjësia e trajnerit dhe ekipit përcjellës profesional andaj në mungesë të tyre ndoshta mundë të minimizohet kjo përgjegjësi!

Edhe nga humbjet e tilla mundë të nxirren mësime nga se do duhej të punohej me përkushtim të ngritjes së cilësisë, profesionalizimit me njerëz adekuat profesional e jo të punohet vetëm për statistika!

Mendoj se FHK i përmbush përgjegjësitë e saja ndaj ekipeve të Superligës në të dy konkurrencat, mirëpo duhet kërkuar mënyra të cilat do çonin në ngritjen e cilësisë së hendbollit të Kosovës”, komenton Shala.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat