Çudi apo jo në Kosovë, selektor për 2 - 4 ndeshje, trajnere vetëm për Kupë të Evropës

Hendboll

Çudi apo jo në Kosovë, selektor për 2 - 4 ndeshje, trajnere vetëm për Kupë të Evropës

Nga: Kemajl Goca Më: 22 tetor 2021 Në ora: 15:00
Çudi apo jo në Kosovë, selektor për 2 - 4 ndeshje, trajnere vetëm për Kupë të Evropës

Duket se po bëhet një modë në hendbollin e Kosovës! Me selektorë e me trajnerë! 

Ose siç thotë një ish lojtar i njohur: “Selektorët me qira”!

Një dukuri e vitit të fundit përkatësisht 2021!

E para 2021, Javier Cabanas udhëhoqi Kosovën (meshkujt) për dy ndeshje, pastaj e angazhuan selektor Bujar Qerimin për katër ndeshje, por iu doli superior dhe marrëveshja është tani e pafundme!

Një ves që po vazhdon edhe të klubet, duket se Prishtina (femrat) po e lakmon Federatën e Hendbollit të Kosovës! 

Situata e Prishtinës është më ndryshe sepse nuk kanë trajner të licencuar dhe nga zori e jo nga qejfi angazhuan Vlora Jasharin si trajnere vetëm për ndeshje të Kupës së Evropës!

Vlora me licencë e me të drejtë të jetë në pankinë në ndeshjet evropiane, kjo e bëri trajnere papritur e pa kujtuar në krye të Prishtinës, që gjithmonë do të shkruhet në historinë e saj.

Vlora as në ëndërr nuk e kishte pa këtë mrekulli.

Por për dallim nga selektori që kishte startuar fuqishëm duke e shkatërruar Rumaninë në Bukuresht, ajo startoi me humbje (35:39) ndaj Vardarit.

Një model i ri apo i zorit në Republikën tonë! 

Para disa viteve prof. Ismet Jupa i sugjeronte trajnerët e Kosovës, të pajisen me licenca, se vjen dita nuk iu lejojnë në pankinë, një deklaratë e kahmotshme e tij po bëhet realitet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat