Sërish më i miri, 16 pritjet e Mursel Mehmetit në fitoren e madhe të Besës

Hendboll

Sërish më i miri, 16 pritjet e Mursel Mehmetit në fitoren e madhe të Besës

Më: 28 nëntor 2021 Në ora: 23:26
16 pritjet e Mursel Mehmetit në fitoren e madhe të Besës

Mursel Mehmeti ka vazhduar me formë të lartë. Ai të dielën bëri plot 16 pritje, duke e udhëhequr Besa Famgasin drejt fitores ndaj Potaissa Turdas me rezultat 30:28. Ishte kjo ndeshja e parë e raundit të tretë të Kupës Evropiane.

Mehmeti kishte shfaqur formë të lartë edhe ndaj Borcit të Banjallukës. Me paraqitje të mirë vazhdoi ndaj skuadrës së madhe rumune.

“Jam shumë i kënaqur me paraqitje. Kemi punuar shumë për këtë ndeshje të madhe dhe arritëm të fitojmë në Pejë. Personalisht jam në top-formë dhe besoj në paraqitje edhe më të mira. Do të punoj shumë për të përmirësuar tutje formën”, ka thënë Mursel Mehmeti.

“Tash kemi kohë të analizojmë më mirë ndeshjen me trajnerin. E njohim më mirë kundërshtarin dhe shpresojmë që në Rumani do të kalojmë në rundin tjetër të garave evropiane, që do të ishte historik për klubin tonë dhe për hendbollin kosovar në përgjithësi”, ka shtuar portieri i Kombëtares së Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat