Vëmendja në Ferizaj e Gjakovë

Hendboll

Vëmendja në Ferizaj e Gjakovë

Më: 3 dhjetor 2021 Në ora: 21:25
Vëmendja në Ferizaj e Gjakovë

Java e 12-të e Superligës së Kosovës në hendboll (meshkujt) ofron ndeshje tjera që priten me vëmendje.

Ndeshjet e kësaj xhiroje luhen të shtunën e të dielën, pos asaj Besa Famgas – Deçani, që në program është më 9 dhjetor. Besa të dielën luan ndeshjen e kthimit me Potaissa Turdan në Rumani.

Sa i takon xhiros së 12-të, duelet më interesante priten në Ferizaj e Gjakovë.

Të shtunën nga ora 19:00 në palestrën “Bill Clinton” në Ferizaj takohen rivalët e moçëm, Kastrioti e Prishtina. Prishtina është e treta në tabelë me 18 pikë, ndërsa Kastrioti ka mbetur pak prapa me pikë, ndonëse mban vendin e katërt. Kastrioti i kas 12 pikë, sa edhe Rahoveci në vend të pestë.

Rahovecin e pret udhëtim i vështirë në Gjakovë, ku të dielën nga ora 17:30 takohet me Vëllaznimin. Vëllaznimi mban pozitën e gjashtë me 10 pikë.

Llapi – Drenica (18:00) dhe Zhegra – Trepça (16:30) janë ndeshjet tjera të së dielës, me Llapin e Trepçën që llogariten favorite.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat